ELISAUN UNESTIL 2008-2009

Hau Satisfeito Tebes

By: Toze Cunha

Tok, tok, tok, maun..maun…rona lian ida mak bolu husi li’ur. Hau hader mai, loke odamatan. Oh..Helio. Hau harè ba mobile, tuku 8:30 ona. Helio, kandidato ba sevi UNESTIL ba perìodo 2008-2009 husi bairo Asempayung. ”Ok, hein oituan lai, hau ba haris lalalis tiha lai”. Hau hateten. Haris hotu, hau mos lalais atu hatais, estrika tiha farù no hamos sapatu. La kleur iha SMS tama ”B’dia Mao...tesik mai na k seidauk + ita tenki komesa acara sedu. Tempu ba acara ne badak los. Thanks.” ne’e SMS husi vice UNESTIL tuan, irmão Atay. Resposta SMS husi irm. Atay, hau hamutuk ho hau nia belun nain rua, Helio (Kandidato) no Merita (membros strutura). Ami ba iha convention hall nia oin, sae taxi silver. Tuir dalan, bainhira tesik iha Klampis, ami tula tan irmãn Ina (membros strutura), nebe mak hein hela. Habadak istoria, ami mos to’o iha fatin atu halo votasaun ba kandidato sevi UNESTIL foun. To’o iha neba, hare ba ema sedauk barak. Kolega sira husi bairo Nginden deit mak iha neba ona. Sira perpara hela fatin.”Hare tok ba, ema ida seidauk iha” hau hateten.

Ami hein quaze oras rua nia laran. Aproveta oras nebe mak iha, maluk sira husi strutura tuan, perpara i hadiak tan sira nia LPJ (laporan pertanggungjawaban). Programa ne’e tarde tebes. Hau lahatene, tanbasa mak ida ne’e (oras borasha) sai hanesan tradisaun ida. ”ita ne’e oras borasha tebes”. Kolega ida hateten.. Iha tempu hein nia laran, vice Atay hatete mai hau ” maun, tanba servisu MC nian ne’e badak los, neduni se bele karik, maun mak foti tomak hotu deit na”. Hau la heteten dehan la aseita. Maibe hau koalia deit ” la’os dehan hau lakohi, maibe UNESTIL ita barak tebes, i sebele bolu tan ema ida atu ajuda hau”. Vice mos aseita, i ba buka tan ema ida atu mai ajuda sai MC. No sira bolu irmãn Noy. Fahe tiha servisu ba malu, ami mos hein tan oituan to’o ema barak tiha hodi hahu serimonia votasaun.

Tuku 11:30, seromonia votasaun komesa hahu. Loke uluk husi MC, nebe mak derije husi kolega Noy. Hafoin, tuir mai reza, nebe mak derije husi kolega Tiza. Reza hotu tiha, programa kontinua fali ho LPJ husi strutura UNESTIL tuan (2007-2008). Iha program LPJ ida ne'e, hau mak sai nudar moderador. Hau nia serviso nudar moderador mak, maneja (mengatur) lalaok programa nia atu nune bele lao lolos tuir regra demokrasia nian. Iha LPJ mosu perguntas barak husi maluk sira hotu, membros UNESTIL nia iha Surabaya. Perguntas sira ne'e, husu kona ba programa nebe mak strutura tuan sira halo ona i seidauk. ijemplu, perguntas kona ba petisi nebe mak kolega nain tolu Merita, DR. Alberto, no Rafael ”Any” lori ba Jakarta, bainhira PM Xanana Gusamao mai iha Jakarta, iha Fulan Mei 2008. iha sesaun LPJ, maske mosu perguntas barak, maibe konsege strutura tuan sira hatan hotu. Maske hau hatene katak, reposta nebe mak kolega sira strutura hatan, barak la satisfeito ba membors UNESTIL balun. Tuku 1:30, sesaun permeiro kona ba LPJ husi strutura tuan mos remata.

Depois de LPJ, kontinua fali kedas ho han meio-dia. Iha ne'e, husi panitia fahe hahan tuir idak-idak nia bairo. Maske perpara deit etu falun (nasi bungkus), maibe han bosu duni. meio-dia hotu tiha, programa kontinua fali hili sevi UNESTIL foun ba periodo 2008-2009. Iha bairo idak-idak haruka sira nia ema. Husi bairo Asempayung, ir. Helio, husi Klampis, ir. Eliud, husi Nginden ir. Mario (Mito), Husi Karangmenjangan ir. Fransisco, no husi Dukuh Kupang ir. Johanes. Kandidato idak-idak hato'o sira nia visi no misi, no-mos programa servisu nebe mak sira sei halo iha 2008-2009 nia laran. Programa barak tebes. Maibe inti husi sira nia programa ne mak, sira hakarak atu hametin nafatin unidade, amizade, fiar malu entre estudantes Timor oan tomak iha Surabaya. Seluk fali, sira koalia konaba atu maneja pengurusan ijin belajar ho diak no fasil. Kandidato seluk, hanesan ir. Eliud ho ir. Mario, promete atu bele tau sede ida iha Surabaya atu bele toma konta kona ba aktividades estudantes tomak. Sosa parabola, loke kursu portuges, hari forum diskusau. Programa sira ne'e hotu diak, maibe hau senti balun ke a'as demais, i la tuir situasaun real (nyata) nebe mak iha. Ida hare ba masa jabatan nebe mak tinan ida deit. Maibe, halo nusa mos hau hato'o hau nia respeito ba kandidato sira hotu, ba sira hakarak no esperansa atu sai sevi da organizasaun. Hato'o hotu tiha kandidato sira programa servisu, tama kedas ba sesaun perguntas husi audens (membros sira nebe mak presenca iha elisaun). Perguntas barak tebes. Kolega barak mak duvidas (ragu-ragu), sira bele realija programa nebe mak kandidato sira hato'o tiha ona. Sesaun kampanye no tanya jawab entre kandidatos ho membros sira remata iha tuku 3:30.

Hotu tiha, kontinua kedas ho elisaun. Iha ne'e hau nudar moderador, esplika uluk kona ba regra (tata cara pemilihan). Iha prosesu elisaun ne, hau bolu ema ida-idak nia naran tuir lista naran nebe mak iha, tuir ida-idak nia bairo. Total ema nebe mak iha lista hamutuk 267. I, sira nebe tuir elisaun hamutuk 246. Husi ema 246 ne, barak liu husi bairo Nginden hamutuk ema 106, Klampis ema 96, Asempayung ema 39, Karangmenjangan ema 15, no Dukuh Kupang ema 12. Resultado husi elisaun hatudu katak kandidato husi bairo Klampis ir. Eliud mak eleito nudar sevi UNESTIL foun ba periodo 2008-2009, ho lian total 108. tuir Nginden ho lian 96, Asempayung 15, Karangmenjangan 14, no Dukuh Kupang 12. I lia 10 hangus.

Elisaun hotu tiha, i hatene tiha sevi eleito, programa kontinua fali ho sambutan husi sevi eleito. Hotu tiha, serimonia ba LPJ husi strutura UNESTIL tuan, no elisaun sevi UNESTIL foun taka rona Himno Nasional PATRIA.

Loron ida ne'e hau hetan esperensia barak tebes. Maske kole tanba hamrik deit durante oras 5 nia laran, no koalia hela deit to'o kakorok moras, maibe hau senti satisfeito tebes. Sai nudar moderador i nudar parte husi prosesu elisaun ida ne'e, hau senti kontenti tebes. Maske hau pernah moderador ona iha tinan 2005, maibe tinan ida ne'e, hau senti oin seluk, tanba hau hetan liasun barak. Hau espera katak UNESTIL ba oin, sei sai diak liu tan. I hau fiar katak, maluk sira nebe mak agora tur iha strutura foun ne'e, bele halo sira nia servisu no knar ho diak, i halibur nafatin estudantes tomak iha Surabaya, iha unidade nia laran.