SEMANA 2 IHA TIMOR
Semana rua ona hau hamutuk fali ho familia sira iha Timor. Laran ne kontenti i haksolok tebes. Iha semana rua ne nia laran, hau sei sante hela iha uma. La iha aktividades nebe mak bot tebes nebe hau halao ona. To'o agora, buat nebe hau halo mak, ajuda familia sira nia serviso. Hau agora perpara hela konsep no project plan ida ba companhia nebe mak foin hari'i. Foin la-lais ne hau tun ba Dili. Ajuda halo hela alin nia pasaporte, hodi perpara atu nia ba eskola iha Indonesia.
Hau seidauk iha hanoin atu buka serviso ba fulan ida ne nia laran. Maibe fulan oin hau espera katak, hau bele hetan serviso ona. Hanesan plano nebe hau iha ona wainhira hau sei iha Surabaya, hau sei metin nafatin ba hakarak ida atu hanorin iha universidade. Ida ne'e hau nia mehi, i hau iha esperansa katak mehi ne bele realija.
Hau mos iha esperansa katak, ho servisu makaas no hodi Maromak nia tulun companhia nebe hari'i ona bele sai bo'ot i bele mos ajuda dezemvolvemento iha Timor laran.
Hau realija, katak moris iha sosiadade nia laran, la hanesan wainhira hau sei iha Surabaya nudar estudante (mahasiswa). Moris iha sosiadade nia laran, iha kampo nebe riil, persisa neon badinas no isin moris, i pasensia atu buka oportunidade hodi bele hetan servisu nebe mak tuir ita nia hakarak. Hau nia esperansa, ho orasaun no servisu makaas, mehi hotu nebe mak hau iha sei bele realija iha futuru.
