PARABENS AMIGO

Hodi kalan, loron 16 Desembro 2008, dala ida tan,ami komunidade estudantes iha asempayung han hamutuk. Han hamatuk halo hodi selebra ami nia belun, kolega, maun, i alin Doni nia tinan. nia halo tinan 26. Hanesan bai-bain, han hamutuk ida ne, ami halo iha kolega Rui, Jeka, Sabino, no Rui Billy sira nia kos. kos Gebang Putih no 22. Ami nia menu special, quando iha programa han hamutuk mak na'an asu alias RW. Quando iha ona RW, otomatikamente ami mos iha hemu especial...si'ik deit ba...ok.
La hanesan han hamutuk nebe mak ami halo fila-fila ona, han hamutuk kalan ne spesial oituan. Se iha tempu nebe mak liu ona, ami nunka iha program dansa, hodi kalan, han hotu tiha ami mos kontinua ho dansa. maske la kleur, maibe ida ne fo ona diferensia. iha kalan ne, programa dansa remata iha tuku 12.00 kalan. Sorte diak mai ami, tanba kalan ne udan la tau. Ne duni ami bele selebra aniversario ne ho ksolok no kontenti.
Ikus, hau hau hakarak hato'o deit hau nia PARABENS, ba hau nia belun Doni. Hau espera katak, ba oin Doni bele hetan buat nebe mak durante ne Doni buka. Sukses nafatin. Toze