HAPPY BIRTH DAY FRIEND

Hodi kalan, dia 5 Desembro 2008, ami nebe hamutuk iha komunidade Asempayung celebra syukuran ki’ik oan ida. Iha kalan ne'e ami celebra irmão Ali nia tinan. Tinan 26. syukuran ne’e halo ho simples tebes. Ami hotu iha komunidade halibur hamutuk iha kos 22 Gebang Putih iha irmão Rui cs nia fatin. Kos 22 ne fatin ida ìstoriku tebes ba ami nia komunidade. Tanba iha fatin ne’e ami nia komunidade sempre halibur hamutuk hodi halao programa hotu ba bairo nian. Fila fali ba programa, kalan tuku ± 9:30 programa komesa la’o. Hahu husi lia menon nebe hato’o husi sevi do bairo irmão Calao (Kalau). Iha ne’e ami koalia oituan kona ba programa nebe mak sei tuir mai iha loron 13 Desembro 2008. nebe iha tempu ne’e ami nia kolega nain rua irmão Zoel no mana Zelia halo sira nia graduasaun (wisuda) nudar sarjana. Lia tuir malu hotu tiha, ami komesa tama ba programa inti.

Iha ne’e ami komesa ho orasaun nebe derije husi alin Argentina alias Lita. Reja hotu tiha irmão Ali hato’o lia agradesemento ba grasa nebe nia hetan ona duirante vida moris ne’e. Lia menon hotu tiha, ami komesa ho han hamutuk. Maibe ami labele han ho hakmatek. Foin atu komesa han udan mos tun. Ami idak-idak lao buka fatin. Maske nune ami alegria (kontenti) nafatin. Udan nebe mak tun makas la impede netik ami atu haksolok hamutuk iha kalan ne’e nudar belun, kolegas, i nudar maun ho alin nebe mak moris iha tasi balun, dok husi inan aman, i familia tomak. La iha diferensia entre ami iha komunidade ne’e nia laran. Ami hotu hanesan nudar estudantes, nebe mak sempre konsidera malu no respeito malu nafatin.

Ikus, nudar pesoal hau hakarak hato’o hau nia Happy Birth Day ba hau nia belun i kolega Ali, nebe mak halo tinan 26. Hau espera katak ho tinan nebe mak aumenta tan, Ali bele hetan i halo buat nebe mak diak liu tan iha aban bain rua ba familia, komunidade i ba Ali nia futuru rasik. Buat hotu ita bele hetan bainhira ita iha hakarak. So, never give up my friend, go on and make your dream come true. Toze Cunha.